:: Um fyrirtækið :: Framtíðarsýn og markmið :: Starfsfólk Gullfiskur ehf. Fyrirtækið Gullfiskur var stofnað í byrjun árs 1990 og fyrstu árin var fyrirtækið staðsett í Breiðadal í Önundarfirði á vestfjörðum. Til að byrja með voru allar afurðir fyrirtækisins þurrkaðar í hjöllum í Breiðadal og var uppistaða framleiðslunnar Ýsa og Steinbítur. Árið 1999 flutti fyrirtækið í glæsilegt húsnæði að Eyrartröð 11 í Hafnarfirði og hafist var handa við að þróa og hanna sérstaka þurrkklefa sem þurrkað gæti fiskafurðir sem stæðust ströngustu gæðakröfur. Samhliða þróun klefanna framleiddi Gullfiskur harðfisk fyrir innanlandsmarkað, bæði ýsu og Steinbít. Árið 1999 voru klefarnir gangsettir og jafnframt var hafist handa við að þróa nýja vörulínu sem samanstóð af þurrkuðu fisk snakki. Fyrstu pokarnir litu dagsins ljós síðla árs 1999 og frá þeim tíma hafa Gullskífurnar frá Gullfiski verið vinsælar. Þurrkklefar fyrirtækisins eru einstakir í sinni röð í heiminum og er ástæðan sú að við þurrkun í klefunum er hægt að líkja eftir öllum umhverfislegum aðstæðum, auk þess sem þurrktími afurðanna er styttur til muna. Einn stærsti kosturinn við klefana er að með notkun þeirra eru gæði afurðanna mjög jöfn, auk þess sem hreinlæti við þurrkun er mjög mikið því klefarnir eru lokaðir meðan á þurrkun stendur. Öll notkun klefanna er tölvustýrð Frá því að þurrkklefarnir voru gangsettir hefur stöðug vöruþróun verið í gangi í fyrirtækinu. Með tilkomu klefanna hefur svigrúm fyrirtækisins aukist mikið hvað varðar vöruþróun og nú þegar er verið að leggja lokahönd á vöruþróun þurrkaðra sjávarafurða sem bætast við vörulínu fyrirtækisins. Á fyrri hluta ársins 2000 hófst útflutningur á þurrkuðum afurðum fyrirtækisins. Hefur sókn á nýja markaði gengið samkvæmt áætlun og í hverjum mánuði hefur útflutningurinn aukist jafnt og þétt. Gullfiskur er ungt og framsækið fyrirtæki sem hefur á að skipa góðu starfsfólki, hátæknibúnaði til nota við þurrkun matvæla og þjónustuhlutverki sem miðar að því að sinna þörfum viðskiptavina til fullnustu.